Иқтисодий концентрация бўйича битимга олдиндан розилик олиш ҳам сукут-ризолик режимига ўтадими? VEON халқаро телекомҳолдинги 200 млн долларлик инвестиция битими бўйича Рақобатни ривожлантириш қўмитасининг хулосаси Тадбиркорлар кунигача берилади. Бу албатта яхши хабар. Шу каби битимларда регуляторнинг масъулияти ва айни пайтда мустақиллиги янаям барқарор бўлиши учун, назаримизда, Давлат раҳбари таклиф этган “сукут – розилик” тамойили тезроқ ишга тушиши керак бўлади. Сўровга 30 кун ўтдими, жавоб бўлмадими, демак регуятор рози деган қоида тадбиркорларда ҳам, уларнинг ҳамкорларида ҳам аниқлик горизонти ва ўзаро ишонч пайдо қилади. Хатарлар камаяди. Ойлаб, йиллаб на ҳа, на йўқ деган жавоб олмасликдан ёмони йўқ. Регуляторнинг ҳам қўли ва оёғи ечилади — мустақиллиги кенгаяди, рухсат ё ишора кутиб ўтирмай, масъулият билан ўзининг дадил ва асосланган позициясини белгиланган муддатда айта олади. Бу каби катта минбарларга етиб келолмаганлар учун айниқса керак — сукут-ризолик қоидалари.