Яндекс банк бозорига кириб келаяпти Бир неча йиллар аввал айтилган интернет компаниялар банкларни ютиб юбора бошлаши ҳақидаги прогнозлар амалда юз беришни бошлади. Ўтган йили Яндекс Тинькофф банкни сотиб олиш ҳаракатларини бошлаган ва ҳатто томонлар 5,5 млрд.долларлик битимни амалга оширишга жуда яқин эди. Лекин охирги дақиқаларда Олег Тиньков компанияларнинг қўшилишини эмас, банкни ютиб юборилишини назарда тутувчи битимдан воз кечганди. Шундан кейин ҳам Яндекс банк бозорига киришга бўлган ҳаракатларини тўхтатмади. Шу йил ёзда Яндекс кичкинагина "Акрополь" банкини сотиб олди ва энди банк бозорининг фаол иштирокчисига айланиши мумкин. Кечадан банкнинг янги расмий номи Яндекс Банк дея ўзгартирилди. Маълумотларга кўра Яндекс мавжуд экотизими доирасида кредитлашни янги 2022 йилдан бошлайди. Интернет компанияларнинг банк бозорига кириб келиши синергия эффекти самарасини фақат интернет компаниялар устуворлиги учун ишлаши мумкинлиги ҳақида хавотирлар бор ва бу асосли. Чунки интернет компанияларнинг технологиялари, катта маълумотлар базаси ва мавжуд экотизими банкларга нисбатан бозорни эгаллаб олишда ҳаддан зиёд ортиқ имкониятларни яратади.