Мирсаидов йили Агар мустақилликдан кейин янги тарихимизнинг ҳар бир йили бирон шахсга боғлаб ёзилганида, 1992 йилни бемалол “Мирсаидов йили” деб атаса бўларди. Йил бошидан истеъфо берган ҳам Мирсаидов, суиқасдга учраган ҳам Мирсаидов, жиноий иш очилган ҳам Мирсаидов, давлатчилик тарихидаги илк марта эълон қилинган амнистияга тушган ҳам Мирсаидов эди. Ҳа, яна ўша йили бутун матбуот Мирсаидовнинг қилмишларини аёвсиз фош этганди. Қизиғи, бирон жойда чиқиб, йўқ, унақамас, бунақа дея олмасди ҳам. 1992 йил эди.