Пропан биржада сезиларли арзонлашган Рақобат қўмитасининг амалий таъсир чоралари ўз натижасини кўрсатган. Кечага савдоларда пропан нархи бирданига 16,4%га ёки 1,5 млн.сўмга арзонлашиб, тоннасига 7,8 млн.сўмгача тушган. Лекин сотув ҳажмлари (1 221 тонна) аввалги кундаги сотув ҳажмларидан (2 523 тонна) 2 каррадан кўпга қисқарган. Эҳтимолки, 7,5 млн.сўмдан юқори бошланғич нарх билан савдога кирмоқчи бўлган импортчилар кеча биржага маҳсулот қўймаган. Рақобат қўмитаси кечаги хабарида 92та импортчига (уларнинг энг кўпи Тошкент шаҳрида - 21та) белгиланган тартибда монополияга қарши иш қўзғатганини маълум қилганди. Аввалги кунларда биржада пропан сотиб, спред потолок талаблари қатъийлашгач, биржадан четланиш ҳам ўзи рақобат қоидаларига қарши туриш ҳисобланиши керак. Антимонополия органимиз узвийлиги ва қаттиқлигини намойиш этишда давом этиши биз истеъмолчиларнинг фойдасига ишлайди. Кеча чакана шохобчаларда ҳам нархлар пасайишни бошлаган (тўғри, ҳозирча таклиф ошиши эмас, маъмурий таъсир чоралари кўпроқ ўринга эга бўлмоқда).