Янги йил табриги ўрнида Ўта мураккаб тарзда кечган 2020 йил якунланишига бир неча соатлар қолди. Каналимиз азиз ўқувчиларини кириб келаётган янги 2021 йил билан муборакбод этган ҳолда, янги йилда режаланаётган айрим ўзгаришлар билан қисман ўртоқлашмоқчиман. Шу ўринда, 2020 йил давомида каналда эълон қилинган учта пост ўчириб юборилгани учун, ўтган ҳафтада кўпчилик савол остига қўйган айрим тушунарсиз туюлган ҳолат учун кўп минг сонли ўқувчиларимиздан узр сўрайман. Умид қиламанки, янги 2021 йилда бундай ортга чекинишлар юз бермайди. Ўтган 17 ой давомида канал фуқаролик позицияси принципларида турди. Ўзгараётган замон ва макон кўрсатмоқдаки, буёғига бу етарли эмас. Энди фуқаролик позициясидан фуқаролик платформасигача ўсишга тўғри келади. Шундай қилиб, ўзгаришларни кутинг. @the_bakiroo