Бугунги кунда жуда долзарб бўлган энерготежамкорлик ва энергосамарадорликка бағишланган болалар учун китоб чоп этилибди. Энергия ресурслари ишлаб чиқарилиб хонадонимизга етиб келгунгача қанчалар машаққатли ва қиммат эканлиги оддий тилда тушунтирилган. Китоб бугунги кунда барча учун жуда зарур бўлган энергия ресурслардан болаликданоқ тежаб фойдаланишни ўргатади. Ҳақиқатдан ҳам энергия тежамкорлиги долзарб мавзу. Энергияни тежаш орқали биз унинг келажак авлодларга ҳам етиб боришига ҳисса қўшган бўламиз. Маълум қилинишича, ушбу китоблар қатор идора ва ташкилотларга ҳамда айрим мактабгача таълим муассасаларига ҳомийлик асосида тақдим этилади.