​Кеча рубль кўпроқ сотиб олинган Расмий очиқланган маълумотга таянилса, кеча рубль кўпроқ сотиб олинган. Банклар 5,5 млн. рубль сотиб олишган бўлса, 60,2 млн.рубль сотишган. Бу нима билан боғлиқ? Биринчидан, банклар тавсия этилган мақбул курсларни тушга яқин ва тушдан кейин ўрната бошлашди. Яъни бозор иштирокчиларига янгилик анча кечикиб етиб борди. Бугун ва кейинги кунларда бошқача ҳажмларни кўришни бошлаймиз. Иккинчидан, рублнинг қулаши ортидан Россиядаги товарлар, масалан ёғоч, ёғ-мой, металл-прокатларнинг нархи долларга чаққанда 1,5-2 баробаргача арзон бўлиб қолди. Яъни конфликтгача рублда импорт шартномаси тузганлар тезроқ эски нархларда тўловини амалга ошириши манфаатига эга, токи нариги томон битимлар ва нархларга ўзгартириш киритиимагунча. Шунинг учун жисмоний шахслар банкдан мақбул курсда рубль сотиб олиб, масалан, устав фондига киритиб хўжалик субъектлари номидан рублдаги импорт контрактлари учун тўловларни ўтказиш орқали юқори даражада афзалликдан фойдаланишмоқда. Учинчидан, 25 февралдан буён пул ўтказмалари деярли тўхтаб қолди. Агар бу ҳақда расмий статистика бўлса, солиштириш мумкин. Долларда ҳам, хусусан рублда ҳам. Яъни мигрантларимиз банклар таклиф этаёган мақбул курслардан барибир манфаатдор бўла олишаётгани йўқ