Фронтга етмай қулаётган ўрис самолетлари Мобилизация қилинган ўрис аскарлари фронтга етиб бормай қирилаётган бўлса, энг замонавий дейилган ўрис самолетлари ҳам фронтга етмай қулашда давом этишмоқда. Бугун Су-34 қирувчи самолети Ейск шаҳридаги тўққиз қаватли уйга бориб урилган. Самолетни турар-жойдан олиб қочиш ўрнига, учувчиларнинг иккиси ҳам катапульта қилишган ва тирик қолишган. Ейск босқинчи руслар тарафидан ер билан яксон қилинган ва ғорат қилинган Мариуполдан 50 км масофада. The Bell нашри бугунги қулаган самолет уруш бошланганидан кейин Россия ҳудудининг ўзида ҳалокатга учраган 10- ҳарбий самолет эканига эътибор қаратган. Уларнинг учтаси Су-34. Су-34 қирувчисининг нархи 36 млн.доллар атрофида туради. Уруш нафақат рус армиясининг асл аҳволини, балки кўз-кўз қилинган рус қурол-аслаҳаларининг ҳам, у ПВО тизими бўладими, танкми, ракета ё самолетми, техник ва технологик жиҳатдан қолоқ ва яроқсиз эканини кўрсатди.