Буюк Британиянинг машҳур вокал шоу лойиҳаси энди Ўзбекистонда ҳам фаолиятини бошлайди. Ўзбекистондаги «FTV» телеканали ушбу шоунинг расмий ҳуқуқларини харид қилган. Ўзбекистон эса бу шоу эфирга узатиладиган 58 мамлакатга айланди. Шоунинг кастинг босқичи бир нечта шаҳарларда ўтказилди ва финал босқичига 100 нафар иштирокчи етиб келди. Иштирокчилар бир неча босқичдаги синовларда иштирок этишади ва уларнинг ишлари шоу-бизнесда ўз ўрнига эга бўлган санъаткорлар томонидан баҳоланиб борилади. Якунда ғолиб 100 млн сўмга, юртимизнинг энг истеъдодли хонандаси унвонига ва «FTV» телеканалидан ахборот кўмаги ҳамда қўшиқларни эфирларда айлантириш имконига эга чиқади. «Х-faktor» лойиҳасининг илк сони 24 сентябрь куни 20:00 да FTV» канали орқали эфирга узатилади. Реклама