Биржада сотилаётган 80 бензин ҳажми иккинчи ҳафта қисқармоқда Учинчи савдо сессиясидан бери биржада сотилаётган 80 бензин ҳажми 3 минг тоннага етмаяпти. Солиштириш учун 12 декабрь куни 8,1 минг тоннадан ортиқ 80 бензин сотилганди. 80 бензин сотув ҳажмининг оширилгани (балки давлат захиралари ҳисобидан) метан заправкалар ёпилган ва чеклов ўрнатилган кунларда юз берганди, лекин метан заправкалар тўлиқ очилмай ёки чеклов ҳали бекор бўлмасидан шиптир лақабли ёқилғининг сотуви яна қисқара бошлаган. Шу кунларда бутун Ўзбекистон бўйлаб чакана шохобчаларда 80 бензин йўқлиги, танқислиги ёки узундан-узун навбатларни кузатиш мумкин.