Бугун дадалар куни экан Оналардан фарқли ўлароқ дадаларга дардлар, кечмишлар ва армонлар дастурхон қилинмайди. Дадалар ҳам, оналардан фарқли ўлароқ, фарзандларига ҳеч қачон оғриқларини ошкор этмайди. Ўсиб, ғовлаб, илдамлаб кетган авлодларнинг эътирози оналарга эмас, дадаларга бўлади: Қаёққа қарагандинглар? нега жим тургансизлар? сотилганмидингиз? Оналар ва болалар муаммоси йўқ ва бўлмаган ҳам, лекин оталар ва болалар муаммоси асрлар ошади, ҳеч қачон тўхтамайди. Дадалар билан суҳбатлар жуда қисқа бўлади. Савол такрорланмайди. Жавоб ҳам. Дадангизни йўқлаб қўйинг. Салом, дада, дейиш кифоя уларга.