Ўзбекистонда биринчи раҳбарлар, уларнинг табақаси қай даражада бўлишига қарамай, қўл остидагилардан ёлғон гап эшитишга маҳкум, деган гапни кўп эшитгансиз. Аслида танқидга, ростгўйликка ва ўзгача фикрга тоқатли, мақтовларга муҳтож бўлмаган раҳбарлар бундай маҳкумликдан истисно. Ёлғон топшириқ бераяпсизми, рост ижро кутманг, ёлғон ваъда бераяпсизми, кўзбўямачиликни қабул қилинг, қўл остингиздагилардан мақтов эшитишни кўнглингиз тусаяптими, мақтовни ортиғи билан эшитасиз албатта, лекин бунинг кечиктирилган тўлови бор.