Бу битимдан энг кўп истеъмолчилар ютади Ўзбекистон ва Қозоғистондаги илғорлар Click ва Halyk Bank имкониятларининг бирлашувидан нафақат ушбу компаниялар ютади. Энг катта ютуқда биз истеъмолчилар бўламиз. Банклар ва тўлов ташкилотлари интеграциясидан пайдо бўлаётган янги финтех гигантлар битта эмас, бир нечта бўлиши лозим ва ўзаро рақобатли бўлиши даркор. Битимга Марказий банк ва Рақобат қўмитаси розилик бериши билан (рад этишга бирон асос кўринаётгани йўқ) Ўзбекистондаги бошқа банкларнинг ва бошқа тўлов ташкилотларининг ҳам бозор нархи ошади, чунки бозоримизга киришга иккиланаётганлар ва қарор қабул қилишга шошилмаётганлар кўз ўнгида Марказий Осиё илғорлари яна бир жиддий асос пайдо қилишмоқда.