Адолатнинг умумий маҳражи Адолатнинг аниқ таърифини билмайман, ҳар бир шахс ва жамият учун унинг ўлчови турлича, айниқса ҳуқуқ устувор бўлмаган, қоидалар танлама ва юзаки кўринишда ишлатиладиган маконда адолат қонунга боғланмайди. Лекин назаримда, ғарбдаям, шарқдаям, шимолдаям ва жанубдаям адолатнинг умумий маҳражи — бу заифга куч ишлатмасликда. Адолатсиз бўлишни истамаганки — заиф тарафда турса кифоя.