Ўзэнергосотиш бассейни очилиши билан бўйнига 10,3 трлн.сўм зарар илинган Ўзэнергосотиш АЖ 2024 йилдаги фаолиятини балансига 10,3 трлн.сўмлик тақсимланмаган зарарни олиш билан бошлаган. Ёпиқ бассейн балансига бошқа зараркунанда компанияларнинг зарарини ўтказиш 2025 йилда ҳам давом этган ва тақсимланмаган зарар қиймати 1 июль ҳолатига 12,6 трлн.сўмга етган. Тасаввур қилишингиз учун, бу 1 миллиард доллар дегани. Биронта ўзбек расмийси янги бассейн балансига зарарлар ўтказилаётгани ҳолатини изоҳламаган. Эҳтимол, бу зарарлар Миллий электр тармоқлари АЖнинг 2022-2024 йилларда (балки 2025 йилда ҳам) йиққан зарарлари. Миллий электр тармоқларининг зарарлари нега Ўзэнергосотиш бўйнига ташланган? Бундан мақсад нима? Рейтинг яхшилашми? Яна қарз олишми? Зарарлар жамланаётган Ўзэнергосотиш фаолияти охири қандай тугайди? Шунчаки ёпилади, ёпиқлик қозонлигича қолади? Режа шунақами?