​6 ойда 875 млрд.сўм зарар кўрган Ўзэнергосотиш бюджетдан 250 млрд.сўм субсидия олган Ҳам остидан, ҳам устидан дегани шунақа бўлади. Каррасига тарифлар ошгандан кейин ҳам зараркунанда энергетика зараркунандалигича, боқимандалигича, самарасизлигича қолмоқда. 2025 йил биринчи ярим йиллиги яккунлари бўйича субсидияхўрлар қаторига Ўзэнергосотиш АЖ ҳам қўшилган. Бир йил аввал электр энергиясини марказлашган тартибда харид қилиш ва сотиш функцияси топширилган, яъни ёпиқ бассейн Ўзэнергосотиш АЖ 250 млрд.сўм субсидия олган. Компания 6 ойда қарийб 875 млрд.сўм зарар кўрган (зарарнинг 640 млрд.сўми тарифлар яна бир бор ошган апрель-май ойларида жамланган). Электр энергияси сотиб олиш ва сотиш нархларини очиқламайдиган ёпиқ компания қайси битимлар бўйича бунча зарар тўплашга улгургани қизиқ. Лекин пўрим энергокенгашдан бирон тирик жон чиқиб бунга изоҳ бермаса керак. Эътиборли томони, ўтган йили ярим йилни (2024 йилнинг иккинчи ярмида) компания 3 карра камроқ 291,7 млрд.сўм зарар билан ёпганди (субсидия берилмаган). Шунақа тасаввур уйғонадики, уларга зарарни қанча кўп оширсанг, шунча кўп субсидия оласан, дейилган. Ўзэнергосотиш барча белгилари бўйича ота бир, она бошқа эгизаги UzGastrade ёпиқ бассейнининг моделини такрорламоқда Ярим йилликда энг кўп субсидияни, бўлибам, бутун йилга етиши керак бўлган 7 трлн.сўмлик субсидияни айнан UzGasTrade ўзлаштирган. бюджет субсидиялари қайси чайқовчи ўртамчилар чўнтагига кетгани доимгидек номаълум. Яна савол: Йилнинг октябрдан декабргача бўлган даври учун яна субсидия берилармикан?