Ўзэнергосотиш коррупцияга қарши қандай курашмоқчи? Электр энергиясини марказлашган тартибда харид қилиш ва сотиш функциясини бажарувчи деб эълон қилинган Ўзэнерготиш акциядорлик жамияти коррупцияга қарши курашни янада кучайтирмоқчи. Амалда худди ота бир, она бўлак акаси UzGasTrade сингари ягона бассейнга айланган Ўзэнергосотиш ташкил этилганидан буён бирон марта электр энергиясини сотиш ва сотиб олиш бўйича йирик битимлари тўғрисида маълумот очиқламаган. Яъни биз билмаймиз, Ўзэнергосотиш Туркменистондан қанчадан ва қанча қийматда электр энергияси импорт қилаётганини. Биз билмаймиз, Ўзэнергосотиш Афғонистонга қанчадан ва қанча қийматда электр энергияси экспорт қилаётганини. Биз билмаймиз, Ўзэнергосотиш зараркунананда иссиқлик электр станцияларидан, хусусий газ буғ станцияларидан, янги қуёш ва шамол станцияларидан қанчадан электр энергияси сотиб олаётганини. Биз билмаймиз, Ўзэнергосотиш Ҳудудий электр тармоқларига қанчадан электр энергияси сотаётганини, биз билмаймиз, Ўзэнергосотиш ОТМК ёки НКМКга қанчадан электр сотаётганини.Биз билмаймиз Ўзэнергосотиш бюджетдан қанча субсидия олганини. Буларнинг ҳаммаси ёпиқ. Коррупция эса ёпиқликни жуда яхши кўради. Барча ёпиқликлар коррупцияга элтади. Дарвоқе, Ўзэнергосотишнинг ягона ва охирги очиқ молиявий ҳисоботи бу ташкил этилганининг илк чорагига оид. Ва бу илк чоракни бассейн монополист 11,9 млрд.сўм зарар билан якунлаган.