Экспортда муддати ўтган қарздорлик учун жарима ҳисобланмайди Тадбиркорлар куни муносабати билан учрашувда давлат раҳбари давлат улуши бўлмаган корхоналарга экспортда муддати ўтган қарздорлик учун жарима ҳисоблаш ва ундиришга бир йиллик мораторий жорий қилинганлигини маълум қилди. Бу масала аввалроқ 4 август куни ташкил этилган тадбиркорлар билан очиқ мулоқотда кўтарилган эди. Ўшанда тадбиркорлар қарзни 2-3 ойга кечиктиришни сўраган, Президент эса тадбиркорлар сўраган илтимосдан ҳам кенгроқ ва тизимли ечим билан енгиллик яратиб берди. Умуман олганда, бугунги очиқ мулоқотга тайёргарлик давомида 26 та соҳанинг 7 мингга яқин вакиллари билан алоҳида-алоҳида учрашувлар ўтказилди. “Колл-марказ” орқали ҳам 13 мингдан зиёд мурожаат ва ташаббуслар келиб тушди.