Президент фармони: тадбиркорлар учун янги имкониятлар Президент тадбиркорлар билан V очиқ мулоқотида айтилган вазифаларни амалга оширишга қаратилган фармонни имзолади. Эътиборлиси, бу сафар тадбиркорлар учун муҳим бўлган қарорлар тез фурсатда эълон қилинди. Бу табиийки, тадбиркорлик фаолияти билан шуғулланаётганлар учун катта рағбат ва ишонч уйғотади. Бу қадам мулоқотнинг самарали ўтганини, айтилган масалалар қоғозда қолмаслигини ва амалий ҳаракатларга айланишини яққол кўрсатди.