Қирғизистон Ўзбекистонга бензин экспортини кескин оширган Қирғиз статистикасига кўра, 2025 йилнинг 6 ойида Ўзбекистонга бензин экспорти 1,6 карра ошган ва 4,6 млн.литрга етган. Бир литр бензин ўртача 41,3 центдан экспорт қилинган (ўтган йилнинг шу даврида 44,3 цент бўлган). Ўзбекистонда шу кунларда 80 шиптир лақабли бензиннинг энг арзони 75 центга етган. Маълумот учун, Қирғизистоннинг ўзи нефть ва бензинни импорт қилади. Лекин самарали ва рақобатли ёқилғи бозори ярата олгани ортидан, олигархия ва монополистлар зараркунандалиги туфайли ёқилғи жуда қиммат қўшни Ўзбекистонга бензин экспорт қила олишмоқда. Ўзбекистондаги жуда қиммат ёқилғи Қозоғистон криминал доираларини ҳам эътиборини тортган. Жозиба ва маржа шу қадар юқорики, жиноий гуруҳлар Қозоғистон ва Ўзбекистонни боғлайдиган 375 метр узунликдаги ерости қувурини ташкил этишган.