Куни кеча Президент тадбиркорлар билан очиқ мулоқот ўтказди. Унда кичик тадбиркорларнинг фаолиятини ҳар томонлама қўллаб-қувватлаш бўйича мутлақо янгича тизим йўлга қўйилиши маълум қилинди. Бунинг учун ҳар бир ҳудудда жами 14 та кичик бизнес маркази ташкил этиш белгиланди. Янги тизимни жорий этиш бўйича алоҳида қонун ҳам қабул қилинади. Марказ билан ҳамкорликда кичик бизнес лойиҳаларини амалга ошириш билан боғлиқ барча жараёнлар соддалашган тартибда белгиланади. Умуман, ушбу тизим яратилиши натижасида кичик бизнесга кўплаб вазирлик ва идоралар эмас, балки битта марказ ҳам масъул, ҳам жавобгар, ҳам уни назорат қилиб борувчи ташкилотга айланади. Фурсатдан фойдаланиб, 20 август – Тадбиркорлар куни муносабати билан мазкур соҳа вакилларини муборакбод этамиз.