Тожик қардошлар анча инсофли экан Гарчи каррасига қимматлаштирилган авиаёқилғи модели биздаги олигархия ўлчовлари билан бир хил бўлсада, тожик қардошларнинг анча инсофи бор экан. Балки иштаҳа кичикдир, балки кўлам кичикдир. Солиштириш учун айтайлик, турк қардошлар энг арзон авиаёқилғини Чимкентда ва Ўшда қуйишади, шунинг учун энг арзон авиачипталар ҳам Ўшдан ва Чимкентдан. Ўзбекларни учмасга айлантирган ва маҳаллий авиақатновларни ўлдирган қиммат авиаёқилғи муаммоси ҳақида жуда кўп ёзганмиз. Лекин Рақобат қўмитаси каррасига қиммат авиаёқилғи орқали ўзбекистонликларни талаётган аждарҳоларга қарши бирон жиддий чора кўра олмайди.