​Янги непалликлар муваққат бош вазирни сунъий интеллект ёрдамида танлашди Янги непалликлар (непалликлар Z авлодини бемалол шундай деб атаса бўлади) мамлакатнинг ўтиш давридаги ҳукумати раҳбарини бошқаришга ChatGPT ёрдамида танланган номзодни илгари суришмоқда. Айнан сунъий интеллект икки босқичли фильтр жараёнидан кейин Discord тармоғида жамланган юз минглаб непалликларга Олий суднинг собиқ раиси Сушила Карки муваққат бош вазирликка энг яхши номзод дея тавсия берган. Чат бот ҳукуматнинг доимий раҳбарлигига энг муносиб номзод дея Катманду мэри ва рэпер Балендра Шахни кўрсатган. Карки хоним сунъий интеллект ёрдамида танлов қилган янги непалликлар таклифига рози бўлган. Непал каби мамлакатлар учун қалтис лаҳзаларда парламент вакиллик институти сифатида мавжуд бўлмаса ёки қуп-қуруқ фасадга айланган бўлса, майдонга чиққан популистлар ёки ташқи деструктив кучларнинг қўғирчоғи мамлакатни қутқармайди. Сунъий интеллект балки янги институтга айланар?