Ўзбекистонда янги даврда чиновникларнинг "бизнеси" фақат шунга ўхшаган бузғунчиликдан иборат бўлиб қолган. Бир миллиардни ўмариш учун ўн миллиардни ҳавога совуришади. Чунки бундан бошқасига бу ариқмен, сўкармен ва урарменларнинг учинчи синф билан қолган чекланган ақли етмайди. Дарвоқе, янги ташкил этилган Коррупцияга қарши кураш агентлиги бир қизиқиб кўрса бўларди: Аслида фаолияти турар-жой биноларини қуриш бўлган ва эгалиги Сафаров Анвар Тўлқинович номига расмийлаштирилган "EGOIST AST" МЧЖ қандай қилиб эксклюзив картошка етказиб берувчига айланиб қолди ва бу муттаҳам схема орқали Қашқадарёда қайси чиновник миллиардларни ўмармоқда? Сафаров Анвар Тўлқинович бирровгагина, масалан гувоҳ тарзида чақирилса, валийнеъмати кимлиги-ю, унга қанча чўтал аталганини оқизмай-томизмай айтиб беради.