Жамоатчилик кенгашининг натижалари қандай? Президент ҳузуридаги Тадбиркорликни қўллаб-қувватлаш бўйича жамоатчилик кенгаши 2025 йил якунлари бўйича ўз ҳисоботини тақдим этмоқда. Ҳисобот ортида қоғозбозлик эмас, балки бизнесга таъсир қилган аниқ қарорлар шакллангани кўринади. Йил давомида 26 та муҳокама йиғилиши ўтказилган. Бу жараёнда 170 та норматив ҳужжат лойиҳаси кўриб чиқилган ва ҳар бири тадбиркорлик манфаатлари нуқтаи назаридан баҳоланган. Таркиби ҳам салмоқли. 39 та Қонун, 17 та Президент фармони, 80 та Президент қарори, 29 та Вазирлар Маҳкамаси қарори ва 5 та бошқа норматив ҳужжат. Натижада 15 та лойиҳа бизнес муҳитига салбий таъсир кўрсатиши асосланиб рад этилган. 113 та лойиҳа бўйича 403 та аниқ таклиф берилган. 39 та лойиҳа эса эътирозларсиз қабул қилинган. Эътиборли жиҳати шундаки, 35 та лойиҳа Кенгаш аъзолари берган 121 та таклифдан 77 таси инобатга олинган ҳолда қабул қилинган. Шу орқали 42 та янги норма киритилган ва 35 та ортиқча норма чиқариб ташланган. Кенгаш ўз зиммасига юклатилган ишларни бажармоқда. Энди 2026 йилда шу ишларни давом эттириб, берилган таклифларни аниқ натижага чиқариш керак бўлади. Шу билан бирга, келгусида жамоатчилик кенгаши йиғилишлари барча учун очиқ онлайн тарзда ўтказилса, вазирлик ва идоралар ҳам шу жараёнда қатнашса, иш натижадорлиги анча ошар эди. Шу орқали қабул қилинаётган қарорлар тадбиркорларга тезроқ етиб боради ва ҳужжатлар моҳиятини жамоатчилик етказиш ҳам енгиллашади.