Хусусий такси ва агрегаторларда йўл ҳақи нархи кескин ошгани сезилмоқда Метан заправкалардаги чекловлар, қимматлашаётган пропан ва бензин туфайли охирги кунларда ва айниқса, бугун хусусий такси ва агрегаторларда йўл ҳақи кескин ошгани сезилмоқда. Албатта, бунда охирги кунларда тундан тонггача метан заправкаларда навбатда турган, қиммат бензин ва пропан қуйишга тўғри келаётган ҳайдовчиларнинг заррача айби йўқ. Қайтанга улар кунлик даромадлари сезиларли қисқаришига рози бўлиб кирага чиқишмоқда. Шу билан бирга шу каби одатийга айланган энергокризис ва тиғиз ҳолатларда агрегаторларнинг комиссияси оширилишини чеклаш масаласи кун тартибига чиқмай қолмоқда. Нархлар ошаётган, ёқилғи йўқ ва қиммат кунларда кирага кўпроқ ҳайдовчи чиқиши агрегаторлар комиссиясини чеклаш ва ошган нархни ҳайдовчи фойдасига тақсимлаш орқали рағбатлантирилиши зарур.