Йил охирида депозитлар ҳосили мўл-кўл бўлган 2025 йил декабрь ойида банкларнинг жами депозитлари қолдиғи 26,3 трлн.сўмга ўсган ва 417,3 трлн.сўмга етган. Шундан, аҳоли омнатлари қолдиғи 9,9 трлн.сўмга кўпайиб, 1 январь ҳолатига 160,4 трлн.сўмдан иборат бўлган. Йил охирида Октобанк (+5,1 трлн.сўм), Ўзсаноатқурилишбанк (+3,3 трлн.сўм) ва Капиталбанк (+2,7 трлн.сўм) томон энг кўп депозит оққан. Октобанк бир ой ичида депозит қолдиғини деярли 2 карра оширган. Аҳоли омонатлари эса давлат банклари томон оқмоқда. Агробанк (+1.4 трлн.сўм), Миллий бакн (+1,2 трлн.сўм) ва Ўзсаноатқурилишбанк (+1,1 трлн.сўм) ой давомида энг кўп омонат жамғаришган. Кичик банклардан Узум банк (+315 млрд.сўм), Ҳаётбанк (+207 млрд.сўм) ва Апексбанк (+116 млрд.сўм) омонат бозорининг фаолларига айланишмоқда.