Россия расман "қора рўйхат"да Еврокомиссиянинг бу ҳақдаги қарори 2025 йил 3 декабрда қабул қилинган, ўтган давр мобайнида Европарламент ёки Европа кенгаши рад этмагани учун кечадан расман кучга кирган. Россияни пул ювиш ва терроризмни молиялаштириш хавфи юқори бўлган давлатлар рўйхатига қўшишга уруш бошлангандан бери ҳаракат қилинади. Лекин бу бўйича глобал тузилма FATF (Financial Action Task Force) Россиянинг гуруҳга аъзолигини тўхтатиш билангина чекланган эди (Хитой ва Ҳиндистон босими остида). Европанинг пул ювишга қарши агентлиги — Anti-Money Laundering Authority (AMLA) энди бундан буён FATF'дан муқобил равишда пул ювиш ва терроризмни молиялаштиришда гумонланган мамлакатларни худди Россияни қўшгани каби "қора рўйхат"га қўша олади. Россиянинг "қора рўйхат"га қўшилиши бевосита, шунингдек турли ниқоб ва учинчи шахслар номидан молиявий операцияларни амалга ошираётган россия субъектларига нисбатан мониторинг жараёнларини қаттиқлаштиради. Россиялик бўлиш ёки россияликларга алоқадорлик энди Европа иттифоқида етарлича муаммоли, улар хоҳ жисмоний, хоҳ юридик шахс бўлсин пул ювиш ва терроризмни молиялаштириш предметига нисбатан текширилади.