Юқори аниқликдаги деталлар ишлаб чиқариш бўйича ҳамкорлик бошланди TMK Smart Powder ва Korea Powder Metallurgy ўртасида автомобилсозлик учун юқори аниқликдаги деталлар ишлаб чиқаришга қаратилган узоқ муддатли ҳамкорлик йўлга қўйилган. Келишув Ўзбекистон саноатида муҳим бўлган бир йўналиш — кўпроқ қиймат қўшувчи технологияларни локаллаштириш тенденциясини акс эттиради. Лойиҳа доирасида автомобил саноати учун эҳтиёт қисмлар кукун металлургияси асосида ишлаб чиқарилади. Бу технология анъанавий ишлаб чиқариш усулларига нисбатан юқори аниқлик, паст чиқинди (4 фоиздан ошмайди) ва материалдан самарали фойдаланишни таъминлайди. Эътиборли жиҳати, 8 турдаги маҳсулот маҳаллийлаштирилиб, ишлаб чиқариш экспортга йўналтирилади. Бу келишув TMK тизимида илк бор Technology Development Agreement форматида имзоланди. Бу оддий контракт эмас, балки технология трансфери, муҳандислик билимлари ва ишлаб чиқариш компетенцияларини 10 йиллик стратегик шериклик асосида ўзлаштиришни англатади. Реклама