Муҳим рейтингда яна пасайдик Transparency International анъанавий равишда тузадиган коррупцияни қабул қилиш индексида Ўзбекистон 2025 йил якунлари бўйича 31 балл (-1) билан 124 ўринни (-3) эгаллаган. Бу рейтингда иккинчи йил кетма-кет пасайишимиз. Биз тушган қаторда Беларусь, Жибути, Мўғулистон ва Туркия бир хил балл тўплаган. Постсовет ҳудудида Эстония энг юқори (13- ўрин), Туркманистон энг паст (167-ўрин) кўрсаткичга эга бўлган. Рейтингни худди 2024 йилдагидек Дания, Финландия ва Сингапур бошқариб турипти. Коррупцияни қабул қилиш индекси Ўзбекистон расмийлари муҳим деб ҳисоблайдиган 15 рейтинг кўрсаткичидан бири ҳисобланади.