Олтин ва нефть котировкалари кутилганидек осмонга сакрамади Дам олиш кунлари Эронга бошланган ҳужум ва Эроннинг минтақа давлатларига жавоб зарбалари олтин ва нефть котировкаларини янги максимумларга кўтариши мумкинлиги прогноз қилинганди. Лекин бозорлар очилиши билан олтин нархи унциясига ўртача 5 250 доллардан 5 400 долларгача кўтарилиб 5 350 долларга қайтди. Январь охиридаги максимум ҳам такрорланмади. Брент типидаги нефть эса баррелига ўртача 72,5 доллардан 82 долларгача кўтарилиб, айни соатларда 77 долларгача тушган. Доллар барча асосий валюталарга нисбатан мустаҳкамланмоқда..