Март Рамазонга тўғри келгани инобатга олиниши керак эди Серёғин ва салқин март ойида ўзбекистонликлар 100 кубдан ортиқ газ истеъмолига 1 800 сўмдан тўлашларига тўғри келади. Шу маънода ижтимоий тармоқларда газ нархлари ошгани ҳақидаги хабарларда билвосита ҳақиқат йўқ эмас. Айтайлик, февралда 17,8 кубдан оширмай базавий меъёр доирасида газ ёққан истеъмолчилар худди шу ҳажмда газ ёқишни давом эттиришса, 7 мартдан бошлаб, газнинг кубасига 1 800 сўмдан тўлашга ўтишлари аниқ. Печка ва қозонларни ўчириб эконом қилган тақдирда ҳам, мартнинг яна 19 кунида рўза тутилади, аёллар, қариялар сахарликка туриб уй иситиши ва емак тайёрлашига газ албатта керак бўлади. Дарвоқе, ўтган 2025 йили 500 кубометрлик базавий меъёрни 2025 йилнинг 1 апрелига қадар узайтириш тўғрисида Давлат раҳбарининг ўзи топшириқ берган эди.