Яна концентраторлар ҳақида Мана бу ерда 4 млн.сўмлик концентраторлар таклиф этилмоқда. Истанг нақдга, истанг пул ўтказиш йўли билан, истанг пластик картага. Реклама эмас. Эсингизда бўлса, 20 кунлар аввал Бухоро вилояти маъмурияти томонидан 12 миллион сўмдан концентраторлар харид қилинган. Ўша пайтда бу шубҳа остидаги битимларни оқлаб ва кўклаб берувчилар роса топилганди. Методичка бўйича гўёки бозор шунақа экани, талаб катталиги, бу нархдан арзонроғига топиб бера олмаслиги ҳақида "эртаклар" тўқилган. Ваҳоланки ўша 12 миллион сўмдан сотиб олинган концентраторлар ҳали Ўзбекистонда йўқ, импорт қилинмаган ва ҳатто четга пули ҳам чиқарилмаган бўлган. Шартнома бўйича етказиб бериш муддати 10 август этиб белгиланган. Ўзи йўқ ва бир неча муддатдан кейин етказиб бериш шартларидаги концентраторлар учун 10-12 миллион сўмдан пул тўланган. Ўйлашимча, ҳуқуқни ҳимоя қилувчи органлар ва тафтишчилар бу мавзуга албатта қайтишлари лозим.