Энерготалқин: 500 эмас, 250 куб Энергетика вазирлиги 15 мартга қадар ваъда қилинган 500 кублик базавий меъёрни "пропорционал" тақсимлаш кераклиги ҳақида маълум қилмоқда. Яъни энергетикларнинг янги талқинига кўра, 15 мартга қадар базавий меъёр 250 куб экан, ваъда қилинганидек, 500 куб эмас: "Бир ойлик 500 куб метр базавий меъёр ойнинг биринчи ярми учун (1-15-март кунлари) тенг улушларда (пропорционал) тақсимланганда 250 куб метрни ташкил этади". Эътиборлиси, 2 март ва 3 март кунги баёнотларида Энергетика вазирлиги "пропорционал" сўзини ишлатмаганди, ваъда қилинган 500 кубни 1-15 март даври учун иккига бўлиб, 250 куб базавий меъёр ҳисобланишини тушунтирмаганди. Агар аввалбошдан шунақа талқин очиқ айтилганда, истеъмолчилар шунга мувофиқ иш тутган бўлишарди ёки ҳеч бўлмаса алданишмасди. Нима бўлгандаям энерготалқин нега яна истеъмолчилар (айниқса тежамкорлар) зиёнига ўгирилиб кетгани таажжубли. Қачон мантиқ бўлганди ўзи?