12- рақамли ўйинчи ким? Inkuzart'нинг навбатдаги лойиҳаси. Янги қаҳрамонми? Қандайдир рамзми? Ёки шунчаки чиройли санъат намунаси? Рассом INKUZART деворий суратни ниҳоясига етказган ва кутилганидан анча кучлироқ жавоб берган. 12-рақамли ўйинчи — бу сен! Футболда майдон ташқарисидагиларсиз ғалаба бўлмайди. Олқишлайдиган, ҳаяжонланадиган, умид қиладиган ва финал ҳуштагигача ишонишда давом этадиганларсиз ғалаба йўқ. 12-рақамли ўйинчи — бу трибуналар қуввати. Бу майдонда кўринмайдиган, аммо ўйиннинг ҳар бир лаҳзасида эшитилиб турадиган овоздир. Очиғини айганда, стрит-арт айнан шундай ғоялар учун севилади Бу энди девордаги оддий расм эмас, балки шаҳар ва одамлар билан кечадиган ҳақиқий мулоқотдир.