Яхши хабар: British Petroleum Ўзбекистонга қайтмоқда Устюрт нефт-газ минтақасидаги инвестиция блокларида геология-қидирув ишларини олиб бориш ва кейинчалик углеводородларни қазиб олишни назарда тутувчи бир йил аввал имзоланган маҳсулотни тақсимлаш тўғрисидаги Битимга British Petroleum ҳам қўшилмоқда. Янгиланаётган ва Бойтерак, Теренгқудуқ, Бирқори, Ҳарой, Қорақалпоқ ва Қулбой блокларини қамровчи Битимда British Petroleum улуши 40% бўлади, Socar ва Ўзбекнефтегазда 30%дан улуш сақланади. Айтиш лозимки, бу British Petroleum'нинг Ўзбекистонга 2021 йилдан кейинги қайтиши. Британия компанияси углеводородларга янги инвестициялардан воз кечиш стратегияси сабаб 2021 йилда Устюртдаги нефть ва газ конларини ўзлаштиришдан чиққан эди. Қизиғи, ўшандаям, роса 8 йил аввал Ўзбекнефтгаз, Socar ва BP ўртасидаги меморандум айнан шу каби энергоҳафталикда имзоланганди.