Давлат статистика қўмитаси 7 ойлик ташқи савдо кўрсаткичларини эълон қилди. Ўтган 7 ойда экспорт 8,3 млрд.долларни (ўтган йилга нисбатан -21,5%), импорт 11,3 млрд.долларни(-17,7%) ташкил этган. Эътиборлиси, илк марта экспортнинг олтин ҳисобга олинмаган кўрсаткичлари алоҳида очиқланмоқда. Олтин инобатга олинмаганда экспортимиз қарийб 30%га қисқарган. Албатта, бу ҳолат реал картинани тўла ва тўкис ҳис қилиш ва янглиш бўлмаган қарорлар қабул қилишга туртки беради. Июль ойидаги қарийб 2 млрд.долларлик экспортнинг 55%и ёки 1,1 млрд.долларлик қисми олтин ҳиссасига тўғри келган. Энг йирик 5та (Хитой, Россия, Қозоғистон, Корея ва Туркия) савдо ҳамкорларимизнинг барчаси билан салбий сальдога эгамиз ва афсуски бу кўрсаткич фақат ошиб бормоқда.