Импортнинг ўсиши тезлашган 2021 йилнинг ўтган 7 ойи давомида 13 446,5 млрд.доллар, экспорт эса 8 117,5 долларга етган. Алоҳида таъкидлаш лозимки, июль ойида импортнинг ўсиши кескин ортган ва қарийб 2,5 млрд.долларга етган, экспорт эса секинлашган ва 1 млрд.доллардан сал кўпроқ ҳажмдан иборат бўлган. Ташқи савдонинг салбий сальдоси олтин билан ҳам, олтинсиз ҳам ўзининг максимумига етган. Кутилганидек Афғонистонга экспорт кескин камайган. Энди Афғонистон ТОП-5 экспорт йўналишига кирмайди. Ташқи савдода Хитой ва Россияга боғлиқлигимиз ортгандан ортиб бормоқда. Бу икки зўравон ва тоталитар давлатнинг ташқи савдомиздаги улуши 36%га етган. Ташқи савдоимизнинг диверсификациялаш масаласи ҳар доимгидан ҳам долзарб. Импорт таркибида саноат товарлари ва машина, транспорт асбоб-ускуналарининг ўсиши тезлашган. Бу айни вақтда инвестицион фаолликни тикланаётганидан дарак бўлса, бошқа тарафдан маблағларни олиб чиқиб кетиш (отток капитала) ҳам ўсаётгани сигналидир. Мева-сабзавот экспортининг Афғонистон йўналиши деярли тўхтаб қолгани, айни вақтда Покистонга ўсаётгани жуда қизиқ. Тўқимачилик маҳсулотлари экспортида ҳам Покистон йўналиши жуда фаоллашган.