Бензин ва пропан қимматлашишдан тўхтамаяпти Ой бошидан бери ўтган 5 кунда бензиннинг тоннаси 5,0%га, 13 069,1 минг сўмгача, пропаннинг тоннаси 9,9%га, 7 690,1 минг сўмгача қимматлаган. Афсуски, импортга, яна бўлгандаям фақат бир мамлакатга ва яна юқори даражада концентрациялашган тарзда қарамлик ўзининг жуда оғир таъсирини ўтказмоқда. Тасаввур қилинг, бу босқинчи мамлакатнинг ўзи яқин ойлар ичида Гитлер Германияси билан 1944 йилда бўлгани каби умуман ёқилғисиз қолиши мумкин. Нарх пойгасини тўхтатувчи маъмурий ва антимонопол чоралар керак, лекин таклифни фаол қўлловисиз бу узоқ таъсир қилмайди. Шу маънода маҳаллий ишлаб чиқарувчи монополистлар Қозоғистон ва Туркманистондан хом-ашё манбаларини ва фавқулодда муқобил маршрутларини яратиш ҳақида жиддий бош қотирмаётгани ўйлантиради. Бунга имкон йўқми ё хоҳиш йўқми?