Тошкентнинг қоқ марказида жойлашган 2,5 гектарлик ҳудуд текинга тақдим этилган хорижлик ва маҳаллий инвесторлар иштирокидаги “Tashkent Central Park» лойиҳаси эсинглардами? Ucell, Ўзсаноатқурилишбанк, Ипотекабанк, Мобиуз каби компанияларнинг мижоз ва ходимлари бу ҳудудни жуда яхши билишади. Қачонлардир бепул автотураргоҳ бўлган бу ҳудуд. Қисқаси, бир неча ўн миллион долларлик ер майдонини ғирт текинга олгани етмагандек бу олғир инвесторлар яна солиқ ва божхона имтиёзларини ҳам сўраганлар. Тегишли Президент қарори лойиҳасини ишлаб чиқишган. Монополияга қарши курашиш қўмитаси “Tashkent Central Park» учун солиқ ва бож имтиёзларини тақдим этиш Президентнинг ундан аввал қабул қилган 2018 йил 31 майдаги ПҚ-3756-сонли қарори талабларига зид эканлигини инобатга олиб, қарорни қабул қилиниши мақсадга мувофиқ эмас деб хулоса берган. Антимонополия, албатта маладес. Лекин давлат амалида ўтирган ва амалидан фақат ўз "бизнеси" ва шериклари учун фойдаланаётган олғирлар қачондир била туриб аввал қабул қилинган Президент қарорига қарши ва зид бўлган Президент қарори лойиҳасини ишлаб чиқишни тўхтатишадими? Ё улар Президент экспертизадан ўтказмай, ўрганмай ҳужжат лойиҳасига қўл қўйворишидан умид сақлайдиларми?