Тадбиркорлар манфаати йўлида: ЎзЛиДеП киберхавфсизликни илгари сурмоқда Рақамли иқтисодиёт жадал ривожланаётган бир пайтда бизнес ҳам янги имкониятлар билан бирга янги хавфларга ҳам дуч келмоқда. Онлайн тўловлар, электрон ҳужжатлар, CRM тизимлари ва сунъий интеллектдан фойдаланиш кенгайгани сари фишинг, маълумотлар ўғирланиши ва киберфирибгарлик ҳолатлари ҳам ортиб бормоқда. Шу сабабли ЎзЛиДеП “Халқ билан бирга” дастури доирасида “Киберхавфсиз тадбиркорлик” акциясини ташкил қилибди. Унда тадбиркорларга замонавий кибертаҳдидлардан ҳимояланиш, рақамли маданиятни ошириш ва ахборот хавфсизлигини таъминлаш бўйича амалий тавсиялар берилди.