Зараркунанда ва нобарқарор энергетикани субсидиялаш 2029 йилда ҳам давом этади Фискал стратегияга кўра, ўрта муддатда ёқилғи-энергетика соҳасида тариф ислоҳотини бозор механизмлари тамойили асосида давом эттириш орқали мазкур субсидиялар босқичма-босқич бекор қилинади. Лекин келтирилган рақамларга кўра, газ учун бюджетдан субсидиялар ажратиш 2029 йил учун ҳам инобатга олинган. Охирги янграган баёнотларга кўра, энергетика соҳасини субсидиялаш 2028 йилдан тўхтатилиши айтилганди. Демак, 2027 йилда бюджетдан турли мақсадлар учун субсидия ажратиш яна 1,5 трлн.сўмга ошиб, 30,1 трлн.сўмгача етади. Хусусан, газ учун 5,0 трлн.сўм, иссиқлик таъминоти учун 3,8 трлн.сўм бюджет субсидияси ажратиш режа қилинган. Бундан ташқари метрополитен учун 0,6 трлн.сўм, автобусда брутто-шартномаларни молиялаштириш учун 2,3 трлн.сўм мўлжалланган. Айни пайтда энерготарифларнинг навбатдаги оширилиши ҳақида ишоралар берилмаган.