Субсидиялар миқдори камаймайди, лекин таркиби ўзгаради 2026 йилда турли мақсадларда 28,3 трлн.сўмлик субсидиялар йўналтириш мўлжалланмоқда (2025 йил бюджетида ҳам 28,3 трлн.сўм ажратилган, лекин кутилма кўпроқ - 30,4 трлн.сўм). Субсидияларнинг жами бюджет харажатларидаги улуши 7%ни ташкил этади (2025 йилда 7,8%). Субсидияларнинг ярмидан кўпи зараркунандаликда давом этаётган энергетика ва транспортга сарфланишда давом этади. Энг катта субсидиялар: Газ бўйича 5,9 трлн.сўм (2025 йилда 7,0 трлн.сўм); Иссиқлик таъминоти 3,8 трлн.сўм (4,8 трлн.сўм); Нодавлат боғчаларига 4,7 трлн.сўм (3,8 трлн.сўм); Уй-жой учун 2,7 трлн.сўм (2,5 трлн.сўм); Автобусларга брутто-шартнома учун 1,9 трлн.сўм (ўтган йили 1,6 трлн.сўм); Қишлоқ хўжалигига 2 трлн.сўм (4,5 трлн.сўм); Геология-қидирувга 750 млрд.сўм (820 млрд.сўм); Энергия самарадорлигига 700 млрд.сўм (100 млрд.сўм); Темир йўл учун 700 млрд.сўм (721 млрд.сўм); Сув тежовчи технологияларга 650 млрд.сўм (708,4 млрд.сўм); Метро учун 544,4 млрд.сўм (494 млрд.сўм).