ТМК кимё саноати орқали металлургияни кучайтирмоқда Кўпинча саноат ривожи конлардаги захиралар билан баҳоланади. Лекин ресурснинг ҳақиқий қиймати уни мамлакатнинг ўзида қанчалик чуқур қайта ишлаш мумкинлигига боғлиқ. Ўзбекистон технологик металлар комбинатининг “TMK Chemicals” лойиҳаси айнан шу вазифага хизмат қилади. 54,5 миллион долларлик инвестиция эвазига йилига 500 минг тонна сульфат кислота ишлаб чиқариш қуввати яратилади. Бу маҳсулот вольфрам, молибден ва бошқа критик металларни қайта ишлашда муҳим ўрин тутади. Натижада металлургияда юқори қўшилган қийматга эга маҳсулотлар ишлаб чиқариш имкониятлари кенгаяди. Шу маънода, ТМКнинг мазкур лойиҳаси кимё саноатига қаратилган навбатдаги инвестиция эмас. У металлургия тармоғининг кейинги босқичларини ривожлантириш ва хомашёни мамлакат ичида чуқур қайта ишлаш учун зарур саноат асосини шакллантиришга хизмат қилади. Реклама