Монополияга қарши кураш қўмитаси цемент ишлаб чиқарувчиларга етказиб бериладиган газ босимининг пасайганини қайд этган ҳолда, “Қувасойцемент” АЖ ва “Оҳангаронцемент” АЖ томонидан цемент ишлаб чиқарилиши тўхтатилганлигини маълум қилмоқда. Биржа савдоларида ҳафта бошида 1 кг цемент 512 сўм бўлган бўлса, ҳафта охирида у 539,1 сўмгача (ёки 5% га) кўтарилган. Ўтган ҳафта қатор цемент заводларида ишлаб чиқариш қувватлари газ таъминотидан узилгани ва бу ҳолат гарчи мавсум бўлмасада цемент нархларининг кескин кўтарилишига олиб келгани ҳақида маълумотлар пайдо бўлганди. Шу билан бирга айрим расмий бўлмаган манбаларда Ўзбекистондаги цемент заводлари Туркманистондан тўғридан-тўғри шартномалар асосида газ импорт қилиши мумкинлиги ҳақида айтилмоқда.