Цемент бутун 2023 йил давомида арзонлаган Кеча таъкидлаганимиздек, юқори солиқлар цемент нархининг ошишига олиб келгани ҳақида бонг урган Ўзқурилишматериаллари аргументи шунчалар заиф ва мўртки, менда ўзини вазирлик деб биладиган уюшма цемент нархлари ҳақида хабардорлигига ҳам шубҳа пайдо бўлди. Демак, цемент бўйича ўртача Биржа нархлари: 2022 йил 9 декабрь: тоннасига 601 минг сўм; 2023 йил 11 декабрь: тоннасига 571,4 минг сўм. 2023 йил 9 январь: тоннасига 605,5 минг сўм; 2024 йил 9 январь: тоннасига 550,4 минг сўм. Худди шундай, 2023 йил тегишли даврлари ва 2022 йил тегишли даврлари билан нархлар динамикасини солиштиришингиз мумкин. Нархлар 2023 йил давомида (ва ўзи охирги 6 йилда ҳам) яққол пасайиш тенденциясига эга бўлган. Яъни, цементчиларга солиқ баланд бўлгани учун цемент қимматлади, деган гап феълан эмас, қип-қизил ёлғон. Яна бир гап: Цемент арзонласа уй, қурилиш арзонлайди, деган ҳимоя кўзқараш ҳам ғирт уйдирма. 2023 йил январида цемент нархлари 2018 йил январидан кўра арзонроқ. Лекин уй нархлари долларда Тошкентдаям, ҳудудлардаям 2 карра қимматлаган. Қани боғлиқлик? Давлат буюртмалари бўйича кўприклар ва йўлларнику гапирмайман. Лойиҳалар қиймати охирги йилларда 3-5 карра шиширилган. Шунчаки цемент олигархияси 5-6 йил аввалги 200% рента берадиган супердаромадлар ўрнига энди 20-30%лик рентага рози бўлгиси йўқ. Янаям кўпроқ пулни Хитойга ва офшорларга ҳайдаш уларнинг орзуси. Уй ва қурилиш нархларига икки карра, сизнинг соғлиғингизга эса етти карра тупуриб қўйган жойи бор уларнинг.