Совуқдан кейин Расмий статистикага кўра, Ўзбекистоннинг йиллик мева-сабзавот экспорти 1 млрд.доллардан ортиқни ташкил этади. Йирик товар гуруҳлари бўйича олинадиган бўлса, олтиндан кейинги муҳим экспортимиз бу мева-сабзавотлардир. Куни кеча бошланган ва давом этаётган атипик совуқ натижасида гилос, ўрик, узум ва бодом ҳосилидаги йўқотишлар 30 фоиздан 80 фоизгача баҳоланмоқда. EastFruit портали Ўзбекистондаги боғбонлар билан мулоқот қилган. Ташвишлар ва хавотирлар етарлича. Шу ўринда, қатор саволлар туғилади. Совуқ урган боғлар суғурталанганмиди? Нега суғурта воситаси қишлоқ хўжалигига лозим даражада кириб бормаган? Иқлим борган сари ўзгариб бораётгани инобатга олинса, бу рискларни қабул қилишдан ташқари яна нима қилишимиз лозим? Атипик совуқдан зарар кўрган фермер ва боғбонларга давлат томонидан қандайдир кўмак бўладими?