Футбол ва "Лоланинг иштони" яна кун тартибига қайтмоқда Футболга ихтисослашган ОАВларни кузатиб бораман. Футбол чемпионатимиз, унинг атрофидаги тортишувлар, машмашалар ўқувчилари, шарҳлари ортаяпти. Анъанавий ОАВларда ҳам футбол ҳақидаги материаллар энг кўп ўқилган рўйхатларда етакчи. Худди шунингдек шоу-бизнес, унинг икир-чиқирлари, отарчиларнинг кийиниши-ю, фикрлари, ўзаро зиддиятлари яна аудиторияни диққатини тортишни бошлади. 2017-2020 йилларда футбол мавзуси, шоу-бизнесни ёритадиган ОАВлар кун тартибидан чиқиб қолганди. Футболга ихтисослашган газетлар реклама, обуна, сотувлар кескин қисқариб кетгани учун ёпилди ҳатто. Тармоқларда шов-шув ясайдиган кўнгилочар сайтлар кўпчиликни қизиқтирмай қўйган, шоу-бизнесни ёритадиганлар ҳам ижтимоий масалаларга юз бурганди. Назаримда журналист ва блогерларга ҳам шуниси тинчроқ бўлиб бормоқда, аудиторияга ҳам. Футбол хўжалиги ёки отарчининг муҳокамаси, танқиди, талаблар ва эътирозлар учун оқибатлар мвжуд эмаслиги ҳаммага аён. Чунки биз шундай даврни 2016 йилгача бошдан кечирганмиз ва балки яна шунга қайтаётгандирмиз ҳам. @the_bankiroff