“Fitch Ratings” Ўзбекистон Республикасининг суверен рейтингини ўзгаришсиз қолдирган “Fitch Ratings” мамлакатимиз суверен кредит рейтингининг баҳоси ВВ- (барқарор) даражасида қолдирган. Қайд этилишича, Ўзбекистоннинг суверен кредит рейтинги (шу жумладан рейтинг кутилмаси) қуйидаги ҳолларда оширилиши мумкин: - макроиқтисодий барқарорликни таъминлаган ҳолда юқори иқтисодий ўсишга эришилганда; - “қонун устуворлиги”, “аҳоли фикрини инобатга олиш ва ҳисобдорлик”, “тартибга солиш сифати” ва “коррупцияни назорат қилиш” каби бошқарув стандартлари сезиларли яхшиланганда;; - фискал ва ташқи захиралар сезиларли ошганда. Ўзбекистоннинг суверен кредит рейтинги қуйидаги ҳолларда пасайтирилиши мумкин: - паст иқтисодий ўсиш натижасида бюджет харажатларининг ошиши, давлат қарзининг ЯИМга нисбатининг ёмонлашуви, суверен фискал буферларнинг (Тикланиш ва тараққиёт жамғармаси) камайиши; - банк кредитлари ҳажмининг тез суръатлар билан ошиши ортидан жорий операциялар ҳисоби манфий сальдосининг катталашуви, халқаро захираларнинг сезиларли даражада камайиши ёки ташқи мажбуриятларнинг тез ортиши.