Охирги марта қачон фильм премьерасини томоша қилганимни эслолмайману, бугун А.Навоий номидаги кино саройида бўладиган мюзикл комедия премьераси эътиборимни тортди. Ўзбекистон кинематография агентлиги буюртмасига биноан суратга олинган “Орзулар қанотида” фильмининг режиссёри-Эргаш Мўминов. Авваллари одамларни ёшартирган кейин айрим сабабларга кўра бу ишдан воз кечган профессорнинг саргузаштлари ҳақидаги бу фильмда Муҳаммадсоли Юсупов, Зуҳра Ашурова, Фарҳод Абдуллаев, Бегзод Ҳамраев, Толиб Мўминов, Феруза Собитова, Севара Солиева, Хуршида Арабшоева, Умид Ҳамдамов каби таниқли актёрлар роль ижро этган. Сценарий муаллифлари Нурилло Аббосхон ва Ринат Галиев, постановкачи оператор Аваз Тиллаев. Айни кунларда юртимиз кинотеатрларида “Ҳайрат”, “Муқимий” фильмлари намойиш этилмоқда. Олдинда “Мен террорчи эмасман”, “Мерос” ва “Муҳаббат баҳори” каби фильмлар премьералари кутилмоқда.